"Sabi nga nila na dapat hindi mo e-judge ang tao sa panlabas niyang ka-anyuan.."

Dear Kuya Charles,

Magandang Araw po.

Ako po ay isa sa mga humahanga ng inyong mga blogs…nabasa ko po na kayo ay nagbibigay rin ng payo sa sinumang nangangailangan ng payo…kaya po ay hindi ko na pinalagpas pa ang pagkakataon at sumulat po sa inyo ng aking problemang pag-ibig.

Eto po ang aking kuwento:

Nagsimula po ang lahat noong 2^nd year high school palang po ako. Magkakapitbahay po kami ng taong lihim kong minamahal noon.Itago nyo nalang po siya sa pangalang Jordace. Mas matanda po siya sa akin ng tatlong taon…noong grade six palang po ako ay nag-attempt napo siyang manligaw  sa akin subalit sa murang edad ko po ay wala sa isip ko ang mga ganyang bagay. Nang magsummer ay umalis po siya papuntang Davao para doon po ipagpatuloy ang pag-aaral ng high school.

Makalipas ng dalawang taon ay nagkita kami ulit. Dalaga na  po ako. Ewan ko po ng mabalitaan kong bumalik na pala siya ay bigla pong akong sumaya. Sa katunayan nga po ay nagtatalon po ako sa sobrang saya. Hindi naman po ako binigo ng panahon dahil sa unang pagkikita pa lang namin ay nararamdaman kong mayroon parin po siyang gusto sa akin. Para po akong dinuduyan sa labis na galak. Tinanong niya po ako kung kamusta na raw po ang standing niya sa akin. Kung pwede na ba raw siya manligaw. Ipinakita ko po sa kanya na hindi ko nagustuhan ang mga tanong niya sabay iwas sa kanya. Pero sa katunayan po ay maligayang maligaya ako. Ganoon na po parati ang sagot ko sa kanya…kapag kinausap niya ako..ay lagi ko siyang binabara, minsan ay tinataasan pa ng boses…lagi ko siyang napapahiya sa mga taong nakapalibot sa amin…kahit ganyan ako sa kanya ay sobrang sakit ng nararamdaman ko dahil hindi ko kayang sabihin sa kanya ang tunay kong nararamdaman. Nagtiyaga siya sa kabila ng mga malalamig na tugon ko sa kanya. Ang huling natatandaan ko bago siya hindi na muli pang lumapit ay nang minsang nagtry siya makipag-usap at ganoon parin ako sa kanya..isa lang ang tanging nasambit niya “IPOKRITA KA TALAGA, GANG”…saka umalis. Buhat noon hindi na siya nagtangka pang mag-open ng nararamdaman niya sa akin. Hindi ko po alam pero namimiss ko po ang mga pakiusap niya.Alam kong pong napa ka-unfair ko. Alam ko napagod na siya at inakalang wala talaga akong gusto sa kanya. Nabalitaan ko nalang po may iba na siyang nililigawan at nagtagal sila ng limang taon na siyang hindi ko inakala na hindi nman pala siya ganoon na hindi marunong magstick to one sa pakikipagrelasyon.

Napakanegative ko po sa kanya..dahil akala ko …lolokohin niya lang ako..na hindi siya marunong magmahal ng tunay..at marami pang iba. ang labo ko po noon…kaya po tuloy ako rin ang nasaktan.

At saka ang akin kasing palagay noon, dahil sa mga bata pa kami baka kapag pinayagan ko siya siyang manligaw ay maghihiwalay lamang kami..sa isip ko saka nalang kapag nasa kolehiyo na ako. Siya po kasi ang pinangarap kong maging una ko at huli ko pong mamahalin (corny po heheeh pero totoo po)…

Hanggang po sa nagkolehiyo na po ako. Hinintay ko po siya hanggang nasa 3^rd year college nap o ako kaya lang po parang ang hirap maghintay kung hindi niya naman alam na may naghihintay sa kanya. Ako lang po kasi ang nakakaalam eh..mga barkada ko po, mga kuya ko, tanging siya lamang po ang walang alam, pati rin nga po mga magulang ko ay sinabihan ko narin. Ang hirap po ng nafefeel ko noon parang sasabog na ang dibdib ko sa inis at paghihinayang. Sa loob po ng anim na taon kong paghihintay ang dami ko pong naging karanasan, naroon po ang malaman kong naging GF niya ang friend ko back in highschool, nag-iiyak po ako ng 4 na araw, tapos sumunod po ay nalaman ko na ikinasal na ang friend kong yun na sa akala ko naman ay siya ang napangasawa..umiyak nman po ako… hindi po ba para na akong baliw?..kasi nang mga time na yun ay hindi na kami magkapitbahay..lumipat po kasi kami..kaya hindi ko na siya nakikita…tapos wala pa nman po akong cellphone noon.

Parati po ako naghahanap ng info tungkol sa kanya..nabalitaan ko rin na nakapagtapos na siya ng kanyang kurso..kaya nawalan narin ako ng pag-asa na magkakaroon ulit ako ng pagkakataong makita ko siya. ..

Nang minsang dumating ang problema sa pamilya namin nang dahil sa kuya ko po..parang ako po ang na-apektuhan..wala po akong mapagsabihan..siyempre narun po mga kaibigan ko..pero nung time na yun ay hinahanap ko ang taong dadamayan ako sa lahat2x..nakita ko sa mga kaibigan ko lahat sila may mga kasintahan na ako nalang ang wala..kaya ng minsang may manligaw sa akin ay sinagot ko nalang…simula noon binitiwan ko na ang paghihintay kay JORDACE…kahit pa lagi ko parin siya naiisip pero winawaksi ko dahil alam ko ako lang ang TANGA…at masasaktan lang ako sa paghihintay na ako lang naman ang nakakaalam..ang hirap po talaga…

Hindi po naging maganda ang naging relasyon naming ng una kong kasintahan…dahil po siguro wala pa akong alam at karanasan sa pakikipagrelasyon ay parang nasasakal ko daw siya..grabe ang sakit na nadama ko noon..iyak po ako ng iyak…ibinunton ko ang galit k okay JORDACE.. kahit hindi naman dapat…feeling ko po hindi ako deserving na paiiyakin lang ng lalaki..ang sakit sakit po talaga..nasabi ko sa sarili ko ganito pala kapag nagmahal. ….

Dahil narin sa kinakapos na ang magulang ko sa pagpapadala ng allowance ko..nagdesisyon po akong magworking student sa isa sa aking professor..nagtrabaho po ako sa kanya bilang all around sa lahat ng gawaing bahay..pati narin ang paglilinis ng Internet Shop niya..kinaya ko po ang lahat para malimutan lahat ng hinanakit ko sa mundo…

Hanggang sa isang araw humingi ako ng favor sa attendant ng shop dahil tapos narin ako sa aking trabaho ay makikigamit muna ako ng isang unit para malibang naman ako..binuksan ko po ang YM ko at nagsimulang magchat2x sa kung sinu-sino..may nakilala po ako..doon sa username niya ay STAR ang pangalan..nagkaroon kami saglit ng salitan ng mga opinion..nalaman niya na working student ako at ganun din siya..bigla po siya nagka-interes sa akin at hiningi ang mobile # ko…eh siyempre po binigay ko ..pero ng binigay niya ang mobile # niya ay hindi ko pinansin..kasi sa isip ko sino ba namang timang ang maniniwala na magkikita kami eh ang layu-layo po ng lugar namin sa sa isat-isa…sa GENSAN po ako at siya ay sa ZAMBOANGA po…imposible po talaga..

Doon po nagsimula ang pagkakaibigan naming ni STAR..hanggang po sa naging kasintahan ko na siya hanggang ngayon..limang taon na po kaming magkarelasyon..kung iisipin nga po ay napakacute ng story naming dalawa..every year po ay umuuwi siya amin para ako ay bisitahin..nang makapagtapos po siya noong 2011 ay nagsama po kami ng mahigit isang taon..at wala naman pong problema.. kasal na lang po talaga ang kulang sa amin…noong JULY 2012 umalis po si STAR papuntang CEBU para mag-apprentice dahil gusto niyang magtrabaho sa mga cruise ship sa labas ng bansa. Ako naman po ay andito na sa Manila para makipagsapalaran din dahil may plano kami na kapag stable na ako ay magtutulungan kami sa mga papeles niya para abroad. Okay napo ang lahat..excited na ako sa magiging kalabasan ng mga plano naming. Hanggang sa isang iglap.

Kung saan po gusto ko nang lumagay sa tahimik ay siya naman pong dating ng isang taong matagal ko ng pinapangarap…sa tagal po ng panahon mahigit 10 years kaming hindi nagkaroon ng communication, nagkaroon kamin ulit dahil sa FB. Gusto ko po sanang huwag nalang pansinin..kaya lang dinala po ako ng mga kamay ko na magreply sa kanya..sa tanang buhay ko po ngayon lang po ulit ako nakaranas na ang saya-saya ko…talagang walang pagsidlan ang kaligayahan ko,…tinanong niya po ako kung dalaga parin po ako..siyempre sinabi ko po ang totoo na may kasintahan na ako at malapit ng magpakasal..binalik niya ang mga kahapon na pinanggagawa ko sa kanya..ang dami niyang tanong sa akin..na pilit ko namang sinasagot kahit punong-puno ako ng panghihinayang dahil alam kong mutual ang nararamdaman naming sa isat-isa..

Sa limang taon ng pagsasama naming ni STAR hindi ko alam pero minsan ay tinitigan ko siya ng matagal…dahil pilit kong inaarok bakit parang may kulang akong nararamdaman…nang minsan inalok niya na akong magpakasal ay para ayoko..kahit pa wala namn akong iniisip na iba noon..na para bang may hinihintay po ako..pero aaminin ko po lagi akong tinutukso ng mga kaibigan ko dahil salawahan ang isip ko dahil lagi ko pong napapanaginipan si JORDACE..ewan ko po ..ang labo ng puso ko…

Hirap na hirap po ako ngayon..ano po ang gagawin ko…hindi po ba kalabisan na sabihin ko ang sekreto ko noon kay JORDACE o baka naman po umaasa parin ako ng mabigyan ng pagkakataon ang feelings naming sa isat-isa ni JORDACE…

Ang hirap po magdecision dahil alam ko po MAHAL NA MAHAL ako ni STAR ang dami niya po sinacrifice para sa akin, mabait po siya at IDEAL po siya maging ASAWA..ngayon nga po ay naguguilty na ako dahil bigla po nawala ang dating love ko kay STAR ng ganun-ganon  nalang….hindi ko po maintindhan…hindi ko namn po sinabi kay JORDACE ang nararamdaman ko…ang alam din niya ay KAIBIGAN lang ang turing ko sa kanya..pero hanggang ngayon ay anjan pa pala…

Ang hirap po…sana po ay matulungan nyo ako sa problema kong ito…

MORE POWER po sa inyo…!

Sanay marami pa po kayong matulungan..

Lubos na  Gumagalang,

ACE

_______________AND HERE IS MY ADVICE ...

 ...Sinasabi nila na FIRST LOVE NEVER DIES .. at sa aking palagay ay naniniwala ka parin sa kasabihang iyon ...totoo naman talaga ang quotation na iyon dahil sigurado akong walang sinumang makakalimot sa kung sino man ang unang nagpatibok ng puso mo ... kaso ,, ang mali nga alng doon ay, "lihim"---dito sumasablay ang maraming tao .. sa "LIHIM",,,dahil una sa lahat... kapag nagmahal ka ng palihim ,,, ay patuloy mong sinasaktan ang puso mo kahit nasasakal kana sa mga pangyayari ,,at isa pa ...normal lang ang magmahal ng lihim , pero sana ay dumating yung araw na handa mo nang sabihin iyon ,,,ngunit siyempre, sa bawat aksyon ay may nakaakibat na reaksyon ...at sa bawat reaksyon , may nababagabag na relasyon ..alam kong naiintindihan mo ang ibig kong sabihin ... ,,,

Ikaw na rin ang nagsabi na mahal ka ni STAR at sobra ang pagmamahal niya sayo ..at sa'yo pa mismo nanggaling ang salitang IDEAL siyang maging asawa mo ... hindi ba't sapat na dahilan na yon para pagtuonan mo na nang pansin ang magiging kinabukasan mo sa kanya ? ... Dahil sa isang malawakang pag-iisip ... siya ang tumugon ng lahat ng iyong pangangailangan sa pagibig noong sumuko ka sa paghihintay kay Jordace ...Ikaw  mismo ang sumuko kaya hindi mo na dapat ibalik pa ang nakaraan sa pamamagitan ng pagbabalik tanaw sa mga bagay na hindi naman natin dapat pang balikan ...Ngunit ang desisyon ay nasa iyo ... "Sino ba ang mas pipiliin mo ? ..ang taong minahal mo ng palihim pero nawala rin sa isip mo ? o ang taong pumuna ng pag-ibig na nawala sayo simula ng nalaman mong magnda ang kanyang pakikitungo sayo ?"--sino ba sa palagay mo ang nangingibabaw sa puso mo ?--- ang taong matagal mo nang pinapangarap? o ang taong nariyan na sa tabi mo pero di mo na napapansin simula ng magkatagpo kayong mul ? --- Wala ako sa lugar upang sumagot sa mga katanungang iyan ..ikaw lang ang makakapagsagot niyan ...at ang iyong desisyon ,, ay rerespetuhin din naman  ...---ito lang ang masasabi ko sa'yo ..."kung patuloy kang nagpapaapekto sa kung ano man ang nakaraan mo, hindi na iyon magbabago kahit na nariyan kana sa kinaroroonan mo ,,ngunit kung matututo kang tumanggap na hindi talaga kaayo ang para sa isa't isa ...malalaman mo sa sarili mo ___ ANG SARAP MABUHAY KAPAG KAPILING MO ANG NASA TABI MO NGAYON "--- :) i hope it helps ...you can send your reply to this advice with my gmail account ! :) GOD BLESS !! MALALAGPASAN MO RIN YAN :)...

Waiting for my Valentine

written by HaveYouSeenThisGirL

“Pardz, feb 14 na bukas.”

“Oo nga eh, independence day na! Hahaha!” nagtawanan kami ni PJ sa laspag na joke na ginamit ko.

Kasama ko ngayon sa canteen ang bestfriend slash kababata kong si Paul John or PJ for short, Pardz ang tawagan namin ewan ko nga ba kung paano kami nauwi sa tawagang Pardz ee.

“Wala kang kadate?”

Tinaasan ko siya ng kilay at sarcastic slash pabirong sinabi ko, “Wala ee, break na kami ng refridgerator namin.”

“Hahaha! Baliw ka talaga Pardz. Bakit wala kang kadate, wala bang nagyaya?”

“Sus parang may magyaya sa pagmumukha kong ito.”

“Oh anong problema sa mukha mo? Cute ka naman ah?”

Kung hindi ko lang siguro siya bestfriend baka kinilig na ako at napangiti pero hindi ee, napasimangot ako kasi syempre sinasabi niya lang yun kasi nga bestfriend ko siya, “Sows, palibhasa bestfriend kita kaya binobola mo ako. Pinapagaan mo lang loob ko ee.” -___-

Hindi naman kasi ako cute, maganda o kung anu pa man tipo ng babae na mapapansin ng mga lalaki. Ako yung may tomboyish style, yung laging naka-tshirt at never mong mapapasuot ng palda pwera na lang sa school uniform. Ako yung babaeng laging nakarubber shoes at mahahalikan ang sahig pag pinasuot mo ng sapatos na may heels. At ponytail girl ako, simpleng simple lang ang pagmumukha ko na walang magtatangkang pumansin.

Hindi naman problema sakin na hindi ako kagandahan o anupaman, ang tanging hiling ko lang na sa kabila ng sobrang kasimplehan ko ay mapansin ako ng kaisa isahang taong gusto ko… pero sa tingin ko malabo yun.

Yung tao kasing gusto ko ay gwapo, varsity player ng campus, matalino at higit sa lahat, maraming nagkaka-crush ditong mga babae mapa-ano mang division. In short maraming magagandang babaeng nakapaligid palagi sa kanya kaya ang tomboying tulad ko ay hindi niya matutuunan ng pansin kelanman.

Pero okay lang, kuntento na rin naman akong mapunta sa tabi niya bilang bestfriend niya eh.

Yup, ang tinutukoy ko ay si PJ. Inlove ako sa bestfriend ko, how cliché right? Well, ano pa ba magagawa ko, kahit ilang beses na akong nakapanuod ng mga palabas sa tv o nakabasa sa mga fiction stories ng tungkol sa hirap na dinadanas pag naiinlove sa bestfriend ay sa huli ay nainlove pa rin ako sa bestfriend ko. Siguro isa lang din ako dun sa mga hopeless romantic na umaasang baka sakaling makaalis ako sa friend zone na ito. Haaay.

“Huy! Natulala ka nanaman diyan Pardz!” nabalik lang ang thoughts ko sa lupang ibabaw ng hampasin ako ng mahina ni PJ sa may likod ko.

“H-ha? Ah wala,” ano ba yan lutang nanaman ang isip ko -__- Ini-switch ko na lang yung usapan sa kanya para hindi ako mapahiya sa pagkatulala ko kanina, ”Ikaw ba pardz, ano balak mo bukas sa valentines?”

“Hmm… I want to date someone.”

“Ayeeeeeeeeeeee!!! Dume-date na si bestfriend, dalaga na siya bilog na utot! Bwahaha!”

“Baliw!!!”

Inaasar ko siya para matakpan yung selos na nararamdaman ko. May ide-date daw siya… Haay. Sino naman kaya? For sure maganda yung kadate niya, baka yung isa dun sa mga cheerleader ng school na sumali din sa school pageant last year… balita ko kasi may crush yun kay PJ at madalas nagkakatext silang dalwa. Haay. Ang gaganda naman kasi ng mga nali-link sa kanya, nanliliit tuloy ako.

“Ahaha! Joke lang pardz, oh ano ba balak mo sa date na yan? Paano ba ang gagawin mo?”

“Actually pardz, wala akong idea. Nahihirapan nga akong mag-isip ee, hindi ko alam kung ano ba ang gusto ng isang babae na gagawin ng isang lalaki para sa kanya sa araw ng mga puso. Haay. Pardz, pwede magpatulong sayo?”

“Ha? Paanong patulong?”

“Kunwari ikaw yung special girl ko tomorrow.”

“Ehhhhhhhhhh? Joke ka ba! Kadiri lang ha! Eeew! Not in my dreams!” sabay hampas ko ng pabiro sa kanya… kunwari nandidiri ako sa idea pero ang tunay niyan ay kinikilig ako ng sobra. Sana nga ako na lang diba? Kaso “kunwari” nga lang daw eh. >__>

“Ang arte nito! Kung maka-yuck ka naman pardz eh! Kunwari nga lang!”

“Psh. Osige na nga,” pagiinarte ko pero kinikilig talaga ako, nagpipigil lang ako, “Oh kunwari ako nga, anong gagawin ko?”

“Kung bibigyan ba kita ng chocolates at flowers, kikiligin ka ba?”

“Pwede na din.”

“Anong pwede na din? Ano ba namang klaseng sagot yan pardz!” naguguluhan niyang tanong.

“I mean… yeah, sweet yung chocolate pero kulang sa kasweetan yung action mo. I mean kung special sayo yung girl you need to do something special for her on a special day like tomorrow diba? Eh yung chocolates and flowers, I don’t think ganun sila kaspecial since walang ka-effort effort yun… ang dali daling bumili. Sus.”

“Eh anong gagawin ko?”

“Hmm… kung ako siguro yung special girl na yun, kikiligin ako kung bibigyan mo ako ng mga rosas… kahit wag na yung chocolates, patatabain mo lang ako eh. Tapos mas nakakakilig din kung pagkatapos ng klase, sa oras ng uwian ng lahat ay susurpresahin mo ako sa pamamagitan ng pagaalay mo sakin ng kanta sa may quadrangle with matching banners pa na nagsasabi ng mga nararamdaman mo sakin.”

Pinipigilan kong wag mapangiti habang iniisip ko yung mga eksena sa aking isipan… ang tunay niyan, hinihiling ko na sana ako na lang talaga yung special girl niya at sakin niya gawin yun pero malabo ee, may iba na ata siyang mahal.

“So ibig sabihin mo ba dyan na haranahin ko siya?”

Nginitian ko siya, ”Pardz, isa sa mga bagay na pedeng gawin ng lalaki na sobrang nakakakilig ay haranahin ang isang babae ng buong puso niya. Trust me, walang babae ang hindi kikiligin kung saka sakali.”

“Wow… nice idea pardz kaso…” napakamot siya ng ulo niya, “Sintunado ako. HAHAHAHA!”

“Problema mo na yan pardz! Sayawan mo na lang ng “Sorry Sorry” ng superjuniors!”

“Mag-isa ka!!!”

“Behlat! Goodluck na lang sayo bukas! Hahahaha!”

Nagbuntong hininga siya, “Haay, goodluck na lang talaga. Pero balik tayo sayo pardz, di nga seryoso ka wala kang kadate?”

“Walaaaaaaaaaaaa.”

“Ako na lang, gusto mo?”

Kamuntik ng tumalon yung puso ko sa kilig pero syempre pinigilan ko sarili ko. -___-

“Che. Inaasar mo lang ako ee. May special girl ka pang ide-date tomorrow, remember?”

“Eh…” napakamot ulit siya ng ulo, ”Parang ayaw ko na ee, magba-back out na lang siguro ako… baka kasi ma-reject lang ako.”

“Nyeee! You’re so gay pardz!” hinampas ko siya sa may balikat niya, “If she’s really special to you, gagawa ka ng paraan para mapalapit sa kanya. You’re the guy here pardz, you need to make a move before everything’s too late. Eh ano kung may posibilidad na ireject ka ng babaeng ito, atleast nagtry ka diba? Malay mo same rin pala nararamdaman niya sayo. Sige ka, habang nagaalinlangan ka diyan baka nakuha na siya ng iba. Magpakalalaki ka nga pardz!”

“Siguro nga tama ka pardz… haay ewan.”

Haaay. Masokistang tunay, ayan si Yvee. Ayan ako. Ang tae ko lang nuh? Ine-encourage ko pa siya dun sa babaeng gusto niya kahit may gusto ako sa kanya. Ito lang naman ang role ko bilang bestfriend niya eh, ang makita siyang masaya sa babaeng gusto niya kahit mamatay pa ako sa selos.

“Bahala na nga si batman, o sige pardz magta-time na. Balik na ako sa classroom, kita na lang tayo mamayang uwian. Sabay tayo pag-uwi?” sabay tayo niya sa upuan niya.

“Sure.”

***

Tuesday. Feb. 14.

Independence day.

Joke lang, Valentines day na nga at papasok ako ng school kung saan maraming “red” at “hearts”, kung saan maraming “roses” na tinitinda sa may labas ng school. Dadaan ako sa hallway na may mga babaeng kinikilig dahil may mga nagpadala sa kanila ng roses, chocolates, letters at may ilang nanghaharana sa kanila.

Ako? Eto nililigawan ang project ko. Bukas na kasi ang due date nito at konti na lang ay matatapos na ako.

Dumaan na ang recess at lunch pero hindi ko nakita si PJ. Siguro busy na yun dun sa special girl niya, ewan ko kung anong plano niya. Kung susundin niya ba yung sinabi ko or magi-stick pa rin siya sa simpleng roses at chocolates lang. Wala pa akong natatanggap na text sa kanya eh.

Pero siguro okay na rin itong ganto na hindi muna mage-exist ngayon sa araw na ito sa buhay ko si PJ dahil sobrang malulungkot lang ako pag binalita niya sakin yung mga bagay na ginawa niya para sa special girl niya. Baka mamatay lang ako sa selos.

Nagpaka-busy na nga lang ako sa project ko at ilang mga school works para hindi ko maisip na Valentines day ngayon. Nakaka-bitter lang ee. Bakit ba kasi hindi na lang ginawang official holiday ang Valentines day para walang pasok, atleast hindi ko nakikita yang mga PDA na mga taong iyan. Atleast hindi ako napapaligiran ng mga red and heart shape stuff. Nakakabitteeeeeer. Achuchu.

“Maam excuse me lang po may aarestuhin lang po kami,” nabigla kaming lahat kasi patapos na yung klase namin, last period na at mga 5minutes na lang ay magbe-bell na nang biglang may grupo ng mga lalaking studyante ang kumatok sa may classroom namin.

“Ha?” nagtataka yung teacher namin.

“Si Yvee Mendoza po, may ginawa po siyang malupit na krimen.”

Nanlaki naman yung mga mata ko. Ha? Anong ginawa ko? Nanahimik kaluluwa ko tapos biglang may magsasabing may ginawa akong krimen? Baliw ba sila? O__O

“Ha? Anong ginawa ni Ms. Mendoza?” nagtataka pa rin yung teacher ko, pati yung mga classmates ko nagbubulungan na.

Yung mga seatmate at kalapit ko nga sa upuan ay nililingon ako at tinatanong, ”Anong ginawa mo Yvee?”

“Aba malay ko,” nagkikibit balikat lang ako.

“Maam, nagkasala po si Yvee Mendoza sa pagnanakaw ng puso ng isang binata kaya naman po humihingi kami ng pahintulot sa inyo na maaresto na namin si Yvee Mendoza upang makulong na siya ng panghabambuhay sa piling ng binatang iyon.”

“AYEEEEEEEEEEEEEEEEEEEEEEEEEEEEEEEEEEEEE!!!” yun na, BOOM, nakakabingi na yung mga kaklase ko pati yung teacher ko na parang kinilig din at tinawag ako.

“Ahaha! Mga kabataan talaga, osya Yvee Mendoza arestado ka daw. Sumama ka na sa mga ito bago ka pa pwersahang dakipin.”

Medyo naguguluhan at nabibigla pa rin ako sa mga pangyayari pero sa huli nagawa ko rin ligpitin ang mga gamit ko at ilagay sa bag ko at sumunod dun sa mga lalaki sa may pintuan.

Actually kilala ko sila, yung iba kilala ko sa pangalan yung iba ay sa mukha lang. Mga varsity player sila ng school.

Habang sumusunod ako sa kanila ay panay ang tanong ko kung sino ba itong lesheng lalaking inaaresto daw ako. Ay ang korni niya ha, ninakaw ko daw puso niya? Asows, ano ako murderer at nagnanakaw ng organs ng tao? Lels, ang korni ko din. -___-

Pero di lang talaga ako maka-get over na may lalaking nagpapaaresto sakin… at sinabing ninakaw ko daw ang puso niya. That means may gusto siya sakin diba? Wow… sino kayang abnormal na lalaking panget ang taste ang nagkagusto sa isang tulad kong tomboyin ang itsura? -___-

Ayaw naman sabihin sakin ng mga lalaking ito kung sino iyon, panay ang sabi nila na “malalaman mo din”. Ampotek, pasuspense effect pa eh. -___-

Dinala lang naman nila ako sa may gitna ng quadrangle tapos iniwan dun, sabi tumayo lang daw ako dun… yikes. Nakakahiya kaya nagsisilabasan na yung mga studyante sa kani-kaniyang classroom at andito ako sa may gitna ng quadrangle at parang tuod na nakatayo.

Yung mga lalaki ay nagpunta dun sa may chapel ng school namin na nasa tapat ko, mga ilang meters ang layo sakin. Lahat sila nakapila in a row at lahat sila mga varsity players ng campus at may mga hawak silang tig-iisang red roses tapos sa dulo may isang lalaking nakatalikod na parang may hawak na gitara.

NOW PLAYING: HARANA BY PAROKYA NI EDGAR

“Uso pa ba ang harana?

Marahil ikaw ay nagtataka

Sino ba tong mukhang gagong

Nagkandarapa sa pagkanta

At nasisintunado sa kaba.”

Biglang nagsimulang tumugtog yung gitara at narinig kong may kumakantang lalaki… na… umm… sintunado.

At habang kumakanta ito ay yung mga lalaking nakapila ay isa isang pumupunta sakin sa may gitna at nagaabot ng rosas.

Pagkaabot sakin ng rosas ay ngingitian lang nila ako tapos aalis na sila. Napansin ko na sa bawat rosas ay may nakapulupot na papel.

Everytime inaabutan nila ako ay sinusubukan kong tanggalin yung papel sa may rosas at binabasa ang nakasulat dun. Every rose is a word.

“Hi” ayan yung nakalagay sa first rose. Nasundan pa ito ng mga ilan at binasa ko silang lahat forming into a sentence that almost made me cry.

“YVEE”

“ALAM”

“MO”

“BA”

“NA”

“MATAGAL”

“NA”

“KITANG”

“MAHAL”

“Meron pang dalang mga rosas

Suot nama’y maong na kupas

At nariyan pa ang barkada

Nakaporma’t nakabarong

Sa awiting daig pa’ng minus one at sing-along

Puno ang langit ng bituwin

At kay lamig pa ng hangin

Sa’yong tingin ako’y nababaliw, giliw

At sa awiting kong ito

Sana’y maibigan mo

Ibubuhos ko ang buong puso ko

Sa isang munting harana para sa ‘yo…”

Habang hawak ko yung mga rosas at mga papel ay halos mapaupo ako sa may sahig habang nakatakip ng isang kamay ko ang bibig ko dahil nagpipigil ako ng saya at pagkabigla habang dire diretso ang tulo ng luha ko. Tears of joy.

Dahil di rin nagtagal nung naubos na ang mga lalaki sa unahan, yung kaisa-isahang lalaki na nakatalikod kanina ay humarap sakin.

“Hindi ba’t parang isang sine

Isang pelikulang romantiko

Hindi ba’t ikaw ang bidang artista

At ako ang iyong leading man

Sa istoryang nagwawakas sa pag-ibig na wagas

Puno ang langit ng bituwin

At kay lamig pa ng hangin

Sa’yong tingin ako’y nababaliw, giliw

At sa awiting kong ito

Sana’y maibigan mo

Ibubuhos ko ang buong puso ko

Sa isang munting harana para sa ‘yo…”

Si pardz, ginawa niya yung sinabi ko para sa special girl niya.

At hindi ko akalaing… ako pala iyon.

Buong akala ko isang magandang babae ang special girl na tinutukoy niya, akala ko yung cheerleader na nakasali sa may pageant last year… akala ko magandang babae pero… isang tomboying tulad ko lang pala…

Kung ito ay panaginip, pedeng wag muna akong magising? Pedeng pa-extend pa ng ilang hours ang tulog ko? Ang sarap kasi sa pakiramdam eh.

“Pardz…” nung matapos na ang kanta ay lumapit siya sakin at medyo nakatungo at kinakamot ang bandang batok niya, ”Pasensya ka na ah kung ang panget kong kumanta, sabi ko naman kasi sayo eh sintunado ako. Ang kulet mo.”

“Pardz naman eh,” naiiyak pa rin ako at hinampas ko siya ng mahina sa balikat niya kasi hindi talaga ako makapaniwala, “Jino-joke time mo nanaman ako eh. Sasapakin kita tamo.”

“Yvee, tumatawa ba ako?” this time tinignan niya ako ng mataman sa mga mata, “Seryoso ako. Matagal na akong may gusto sayo, ewan ko kung kelan ko simulang naramdaman ito pero basta tuwing kasama kasi kita napaka-komportable ko sayo at lagi mo akong napapangiti. Pag absent ka, pag hindi kita nakakasama o nakikita ay hinahanap hanap ko ang presensya mo.”

 

“Akala ko yung cheerleader yung special girl mo… yung maganda…” pinupunasan ko na yung mga luha ko at nararamdaman ko na lang na napapa-pout ako sa mga pinagsasabi ko, “Bakit ako? Ang panget ko eh…”

“Maganda ka kaya… sa loob at labas. Yvee, maniwala ka sakin… mahal kita. Pwede bang more than friends na lang tayo?”

“AYEEEEEEEEEEEEEEEEEEEEEEEEEEEE.” hindi ko na namalayan na andami na palang studyante sa paligid namin ang nananuod. Halos mamula na ako sa mga nangyayari.

Pero sa kabila ng maingay na panunukso ng mga tao sa paligid namin nangibabaw pa rin sa aking tenga ang mga sinabi niya.

“Yvee Mendoza, will you be my valentine from this day onwards?”

Best of Tagalog Love Quotes from Experts

1: Kung mahal ka talaga niya, dapat hindi ka na niya BALIKAN. Kasi simula pa lang, dapat hindi ka na nya INIWAN.

2: Huwag kang manghinayang sa naudlot na pag-ibig, dahil kung kayo talaga darating at darating muli kayong pag tatagpuin para ituloy ang mga nasayang na sandali. — Bob Ong

3: Gamitin ang puso para alagaan ang taong malapit sayo. Gamitin ang utak para alagaan ang sarili mo. — Bob Ong

4: Pag mahal mo isang tao, mahal ka man nya o hindi, nakakaganda yan ng araw. Yung tipong gigising ka sa umaga na alam mong inlove ka. — Papa Jack

5: Pwede kang magmahal kahit sampu ng sabay sabay, yun nga lang, hindi pantay-pantay. Siguradong meron lamang. Kaya kung naguguluhan ka kung sino talagang mahal mo, tanungin mo ang sarili mo, sino nga ba talaga ang mas lamang sa puso mo. — Papa Jack

6: Hindi lahat ng minamahal dapat ipaglaban, at hindi lahat ng nagmamahal sa’yo, dapat mong saktan.

7: Wag mong panghinayangan yung taong binabalewala ka lang. Panghinayangan mo yung mga taong sana nakilala mo, kaso kinulong mo yung sarili mo sa relasyong di na maganda.

8: Minsan, ang magagandang Love Stories, ay nag-tatapos sa pagiging MAGKAIBIGAN.

9: Hindi ko hinihiling na dumating yung MATALINONG TAO sa buhay ko. Ang tanging gusto ko lang ay yung TAONG BOBO pagdating sa PANLOLOKO.

10: Kahit ilang beses pa akong masaktan dahil sayo, di kita iiwan, di ako susuko. Dahil kung may 100 dahilan para iwan ka, hahanap pa rin ako ng isang dahilan para ipaglaban ka.

TOP 7 OPM Love Songs AS of February 27,2013

                                            TOP 1 : Nasa Iyo na ang Lahat - Daniel Padilla

                                               TOP 2 : B.A.B.A.Y - Yeng Constantino

                                                     TOP 3 : BUKO -Jireh Lim

                                                          TOP 4 : Gayuma - Abra

                                                 TOP 5 : Kahit Na - Toni Gonzaga

                                       TOP 6 : Bago Mahuli Ang LahAT- Never The Strangers

                                             TOP 7 : Hindi Mo Nadinig - Gloc 9 Ft. Jay Durias



So those are the Top 7 Opm Songs For Today guys .  :) Kung May suggestion Kayo -- just e-mail it to charles.flamethrower23@gmail.con ... 

KAIBIGAN O KA-IBIGAN ???

PAANO NA KAYA -- BUGOY DRILON ... isang kanta kung saan relate ang maraming tao ... paano naman kasi eh uso na naman ang pagdedevelop ng friendship tapos nagiging bestfriends and then hidden feelings for each other ..mahirap naman itago pero kailangan gawin upang hindi masira ang pinagsamahan .. (yun agad ang iniisip kadalasan eh ...)

SAbi nila, kung kelan mas nagiging close kayo, mas nahuhulog ka sa kanya …Siguro totooo yun, PERO ang tanong … dapat ba? O pipigilan nalang para hindi masira ang lahat ng mga alaala ng iyong pinagsamahan …Yan ang mga bagay na umiikot sa aking isipan sa tuwing naiisip ko kung kailangan ko na bang magtapat sa isang taong hindi ko kayang mawala sa buhay ko , ..

      Sa bawat araw na kasama ko siya, hindi ko maintindihan ang nararamdaman ko. Para bang kumpleto ang araw ko sa tuwing makikita ko siyang ngumingiti .Hindi ko nga lubos maisip na dumating siya sa buhay ko …Hindi ko inaakalang magiging ganito ang lahat ,..hindi ko rin inaasahang mahuhulog ako sa kanya. Mahal ko na siya …pero bakit ganon ? hindi ko alam kung itutuloy ko ba o hahayaan ko nalang na matago sa sarili ko dahil natotorpe at natatakot ako na baka mawala ang lahat-lahat dahil lamang sa nararamdaman ko. Hindi ko rin malaman kung ano nga ba ang dapat kong gawin dahil kumplikado ang sitwasyon .

…

      Pero sabi nga nila, kung talagang mahal mo siya …ipaglaban mo, pero kaya mo pa bang ipaglaban kung ang sitwasyon ay nagmumula sa pagtatago ng tunay na nadarama habang pinapanood mo ang bawat kilos niya nang hindi nagpapahalata upang hundi ma buko sa mga kinikimkim mong SAYA dyan sa PUSO MO…

      OO , mahirap nga di ba ..yung tipong nangangamba ka na baka dumating yung araw na kahit na magkabanggaan kayo ay balewala nalang ..

      Hindi ko na tuloy alam kung ano ang aking gagawin ,ginawa ko na ang lahat-lahat ,,pero bakit di ko pa rin magawang magtapat? … Hindi naman ako nagmamadali , pero …SANA, siya na talaga ang babaeng mamahalin ko habang buhay …Nasa kanya na ang lahat … Ang ugali, kilos, ganda at ang pag-aaruga na binibigay naming sa isa’t isa upang protektahan ang lahat ng mga pinagsamahan…

      Minsan nga gusto ko Na talagang magtapt pero kahit anong aking gawin , WALA TALAGA, yung tipongnawawalan na ako ng lakas ng loob sa tuwing makikita mo na siya…kaya siguro mas mabuting ilihm ko na muna … baling araw malalaman din niya…SABI NGA NILA … TRUE LOVE WAITS.