Darating Din Ang Tamang Panahon

Mahirap maghintay ng tamang oras, ..

Walang sinumang makatutukoy kung kailan ito. Walang sinumang makapagsasabi kung hanggang saan hahantong ang paghihintay dahil wala rin namang kasiguraduhan na lahat ng plano mo sa tamang oras ay gagana.

Naghihintay ka lang ng oras kung kalian mo masasabi ang nararamdaman mo para sa kanya, kasi, ‘di mo kayang sabihin dahil mas pinagtutuunan niya ng pansin ang ibang mga bagay.Pinakikinggan mo lang ang pitik ng bawat Segundo dahil wala kang lakas ng loob na sabihin sa kanya ang iyong nararamdaman, hindi naman dahil sa torpe ka, kung’di dahil natatakot ka sa kung anuman ang magiging reaksyon niya pag nalaman na niya ang iyong nararamdaman para sa kanya. Mahal mo nga siya,pero ‘di mo masabi dahil buong buhay mo kaibigan lang ang turing niya sa’yo, at natatakot ka na baka sa isang iglap ay mawala ang lahat ng inyong pinagsamahan.

            MAHIRAP! SOBRANG HIRAP…

Nagtitiis ka, wala kang ibang gagawin kung’di magtiyaga at maging kuntento sa kung anuman ang kaya lang niyang ibigay sa’yo, kahit na walang kasiguraduhan kung balang araw ay kaya niyang maibigay sa’yo ang pagmamahal na hinihiling mo nang patago.

Hindi mo malalaman kung hanggang kalian ito dahil habang naghihintay ka ay may mga importanteng bagay na nakakalimutan mo dahil sa halu-halong nararamdaman mo.Hindi mo rin alam kung susuko ka ba  sakaling ‘di niya masuklian ang pagmamahal na binibigay mo sa kanya.

At sa iyong paghihintay, maraming pagsubok, napapaisip ka nalang na baka “walang tamang oras ” para sa inyong dalawa, natatakot ka na baka sa isang iglap ay lamunin ng pagkabahala ang lahat ng inyong pinagsamahan. Nababahala ka dahil minsan, ayaw mo na itong ituloy, pero may bumubulong pa rin sa iyong pagkatao na kakayanin mong maghintay dahil siya na talaga ang gusto mong makasama. Nahihirapan ka dahil sa haba ng panahon ng iyong paghihintay ay marami ng mga bagay ang iyong sinakripisyo – sinarado mo ang puso mo sa ibang tao dahil gusto mo siya lang ang nagmamay-ari nito, kahit na hindi ka sigurado kung kaya ba niyang buksan ang puso niya para sa’yo.

            May mga kaganapang hindi natin inaasahan, may mga kaganapan din namang inaasahan natin ngunit hindi kagaya ng iniisip natin, minsan ay mas higit, minsan naman ay kulang. Maraming mga bagay dito sa mundo ang dapat pa nating intindihin ng mas malalim—ang pagmamahal na nahahati sa maraming aspeto ng ating buhay. Pagmamahal na baling araw ay gusto nating makamtan, hindi man ngayon ,ngunit darating din ito SA TAMANG PANAHON.